O mércores 10 de abril a Catedral acolle a lectura do Pregón da Semana Santa de Tui, que correrá a cargo de Rafael Sánchez Bargiela
O próximo mércores 10 de abril ás 20,00 horas (*) terá lugar na Capela das Reliquias da S. I. Catedral de Tui a lectura do Pregón da Semana Santa tudense, que neste ano correrá a cargo de Rafael Sánchez Bargiela, historiador tudense, técnico do Concello de Tui e que ata hai unhas semanas desempeñou, durante cinco anos, o cargo de Director – Xerente da Sociedade Anónima de Xestión do Plan Xacobeo. A Asociación de Amigos da Catedral de Tui, xuntamente co Cabido Catedral e coa “Hermandad del Dulce Nombre de Jesús y Santa Casa de Misericordia” e coa colaboración do Concello de Tui, impulsan, logo da favorable acollida dos anos anteriores, a celebración deste pregón da Semana Santa tudense co obxectivo de promover e valorizar as celebracións desta xornadas na nosa cidade e servir como anuncio e apertura dos actos litúrxicos destas tradicionais celebracións tudenses. Esta iniciativa comezou no ano 2012, coa presenza da profesora tudense Marta Cendón, e dende aquela van oito anos ...