Presentación da novela "Mar de cobre" de Ramón Lamela

 


A asociación “Amigos da Catedral de Tui” organiza para o sábado 28 de novembro a presentación da novela de Ramón Lamelo “Mar de cobre” que terá lugar na Sala Félix Rodríguez González (no Edificio “Francisco Sánchez”) ás 19,00 horas.

Ramón Jesús Lamelo Otero (Vigo, 1968) defínese como escritor de contos de Nadal e afeccionado á literatura de Dickens. Enxeñeiro agrícola de profesión. Nesta súa primeira novela, “Mar de cobre”, intenta emular eses relatos longos que o autor inglés escribía en entregas semanais, onde o sufrimento dos protagonistas se entrelaza co humor, pero trasladado a décadas pasadas e onde as fábricas cheas de fume da Inglaterra vitoriana foron substituídas pola dureza do océano Atlántico e a vida en Galicia, concretamente na aldea de Combarro (Poio), e outros lugares e ambientes que a protagonista atopa na súa viaxe vital desde o seu lugar de nacemento en Cidade do Cabo.

Tui está presente nesta novela, afirma o autor, grazas ás lembranzas que o autor garda de vivir nesta cidade durante a súa infancia e mocidade e por iso o seu interese en presentala na nosa cidade.

 


Comentarios

Entradas populares de este blog

Eva González, pregonera da Semana Santa de Tui 2026

Fallecimiento del presidente de Amigos da Catedral de Tui, Eduardo Cadenas Dapena

Pieza del mes de noviembre 2011: Virgen de la Expectación

Altar de la Expectación

Pregón da Semana Santa de TUi 2026 por Eva González del Socorro